7 dekabr 2023-cü il tarixində Gürcüstan İncəsənət Xadimləri Birliyi və Bülbül adına Orta İxtisas Musiqi Məktəbinin birgə təşkilatçılığı ilə Bülbül adına Orta İxtisas Musiqi Məktəbinin 95 illik yubileyinə həsr olunmuş, "FUTURE STARS" XVI beynəlxalq klassik musiqi festivalının açılışı keçirildi.

Musiqi mədəniyyətinin yaşadılması,iki ölkənin dostluq məqsədi ilə keçiritdiyi festivala,layihənin rəhbəri Nina Kupatadzenin başçılığı ilə bir qrup müəllim və şagird heyəti növbəti dəfə məktəbimizdə qonaq oldu.

Qonaqları qarşılayan məktəbin direktoru Xalq artisti Teymur Göyçayev və müəllim heyəti onları növbəti dəfə ölkəmizdə,məktəbimizdə görməkdən çox şad olduqlarını söylədilər.

Hər iki dövlətin himnlərinin səsləndirilməsindən və azadlıq uğrunda canlarından keçən şəhidlərin xatirəsi 1 dəqiqəlik sükutla yad edildikdən sonra, Gürcüstan və Azərbaycan tərəfdən layihənin rəhbərləri keçiriləcək festivalda bütün iştiralçılara uğurlar arzuladılar.

Çıxışlardan sonra qonaqlara simvolik hədiyyələr təqdim edildi.