21 iyun Müslüm Maqomayev adına Azərbaycan Dövlət Akademik Filarmoniyasında Bülbül adına Orta İxtisas Musiqi Məktəbinin 95 illik yubileyinə həsr olunmuş, Üzeyir Hacıbəyli adına Azərbaycan Dövlət Simfonik Orkestri, bədii rəhbər və baş dirijor Əməkdar artist Fuad Ibrahimov un rəhbərliyi konsert keçirildi.

95 illik tarixi ərzində Azərbaycan Musiqi Mədəniyyətinə Qara Qarayev, Cövdət Hacıyev,Tofiq Bakıxanov, Azər Rzayev, Tofiq Quliyev, Müslüm Maqomayev kimi dahilər yetişdirən bu təhsil ocağının əsas məqsədi, nəsillər arasında musiqi əlaqəsini fasiləsiz olaraq davam etdirmək,nəsildən nəsilə ötürərək,musiqi mədəniyyətinə yeni töhfələr verməkdir.

Musiqi tariximizdə xüsusi xidməti olan bu təhsil ocağı yubileyi ərəfəsində, respublikada gənc istedadların üzə çıxarılması,onların profesional inkişafının dəstəklənməsi, ifaçılıq sənətinin inkişafı məqsədi ilə festival və müsabiqələr təşkil etmiş,müxtəlif konsert zallarında silsiləli olaraq konsertlər keçirmişdir.

Keçirilən bu günki, konsertdə şagirdlərin ifasında Azərbaycan, rus və Avropa bəstəkarlarının əsərləri səsləndirildi.