28-29 mart 2024-cü il tarixlərində Bakı şəhər Mədəniyyət Baş İdarəsinin dəstəyi ilə Qazaxıstanın "Xoşbəxt Ölkənin Uşaqları" İctimai Fondu və C.Hacıyev adına 3 nömrəli Onbirillik Musiqi Məktəbinin birgə təşkilatçılığı ilə "Biz Xoşbəxt Uşaqlarıq" adlı müxtəlif nominasiyalar üzrə çoxjanrlı beynəlxalq müsabiqə keçirildi. Xarici iştirakçıların da qatıldığı müsabiqədə Qazaxıstan, Özbəkistan və Azərbaycandan olan münsiflər heyətinin yekdilli qərarı ilə məktəbimizin qanun ixtisasında təhsil alan 10-cu sinif şagirdləri Tağıyeva Leyla və Məmmədli Dəniz "Solo-instrumental ifaçılıq" (tar, qanun, rübab, santur, dombra, dutar, tənbur, saz) nominasiyası üzrə 1-ci yerə, 11-ci sinif şagirdi Mirağayeva Rəna "Solo-instrumental ifaçılıq" (tar, qanun, rübab, santur, dombra, dutar, tənbur, saz) nominasiyası üzrə 2-ci yerə layiq görülüblər.

Müəllim: Qədirova Aygül.

Konsertmeyster: Kərimova Sevinc.