26 oktyabr 2023-cü il tarixində

Bülbül adına Orta İxtisas Musiqi Məktəbində “İnternetdən təhlükəsiz istifadə” adlı tədbir keçirildi.Tədbiri açan məktəbin informatika müəllimi Pərvanə Əzizova qonaqlara tədbirin təşkil olunmasının mahiyyəti barədə məlumat verdikdən sonra,əsas məqsədin valideynlərlə bu mövzuda məqsədyönlü söhbətlər aparmaq olduğunu,şagirdlərə informasiya və kommunikasiya texnologiyaları (İKT) ilə işləmək və onlardan düzgün istifadə qaydalarını, uşaqları internetdən istifadə etməyə psixoloji hazırlamaq, savadlı və daha hazırlıqlı gənclər yetişdirməyin yollarını axtarmaqdan ibarət olduğu haqqında məlumat verdi.

Daha sonra tədbirdə internetdən təhlükəsiz istifadə olunmasında valideynlərin üzərində düşən məsuliyyətdən bəhs edən videoçarx nümayiş olundu.

Tədbirdə çıxış edən məktəbin rus bölməsi üzrə informatika müəllimi Vəliyeva Sənubər isə respublikamızda bütün sahələrdə olduğu kimi təhsildə də İKT-yə xüsusi diqqət ayrıldığını və ondan düzgün istifadə etmək bacarığına çox böyük önəm verildiyini söyləyərək, məktəbimizdə ibtidai siniflərdən başlayaraq təhsilin İKT əsasında qurulması və kompüterdən, internetdən daha səmərəli istifadə olunması üçün şərait yaradıldığı haqqında məlumat verdi.