24 iyun 2023- cü il tarixində Bülbül adına orta ixtisas musiqi məktəbinin qonağı, Azərbaycan bəstəkarlıq məktəbinin böyük nümayəndəsi, simfonik muğam janrının banisi, rəngarəng yaradıcılıq palitrasına malik qüdrətli sənətkar kimi mədəni sərvətlər xəzinəmizə misilsiz töhfələr bəxş etmiş dahi bəstəkar Fikrət Əmirovun qızı, məktəbimizin (1961-1972-ci illər) məzunu,Fikrət Əmirov irsinin qorunub saxlanılması, Azərbaycan klassik musiqisinin və zəngin incəsənətinin xarici ölkələrdə təbliğ edilməsinə böyük əməyi olmuş Sevil xanım Əmirova oldu.

Təhsil aldığı məktəbə tez -tez baş çəkən Sevil xanımın bu dəfəki səfəri, dahi bəstəkarın Azərbaycan şairi Nizami Gəncəvinin anadan olmasının 800 illiyinə həsr etdiyi "Nizamınin xatirəsinə"adlı simli simfoniyasından -II hissə, fortepianoda 4 əl üçün işlənməsi kitabının hədiyyə etməsi oldu.

Qarşıdan gələn illərdə bu kitabın şagirdlərin ansambl dərslərində geniş istifadə edilməsi nəzərdə tutulur.